Nanay,
Tatay
Sa
aking murang gulang,
hayaan
ninyo akong kayo ay pasalamatan.
Salamat
sa malambot na unan
at
mabangong higaan.
Sa
payak at malinis na kagamitan,
sa
maayos at masayang tahanan.
Salamat
sa masarap na sinangag sa umaga,
sa malamig na inumin sa tanghali,
sa malamig na inumin sa tanghali,
at
sa mainit na sabaw sa gabi.
Salamat
sa mga pabaong pagkain at paalala,
sa
pagbili ng ballpen, notebook at iba pa.
Sa
panonood sa akin kung may pagtatanghal sa eskwela,
sa
pagpayag na sa fieldtrip ay makasama.
Salamat
sa pamaskong damit,
sa
unipormeng hindi masikip.
Sa
jacket tuwing panahon ng tag-lamig,
sa
pamaymay at payong kung tag-init.
Salamat
sa pagtuturo sa akin ng abakada,
sa
pagtulong sa paggawa ng asignatura.
Sa
pagtapos ng mga proyekto sa eskuwela,
at
sa pagtitiyagang gisingin ako sa umaga .
Salamat
sa alaalang hatid ng mga larawan,
ng
mga lugar na ating pinuntahan.
Sa
pagpasyal sa Jollibee at McDo kung minsan,
sa
mga munting luho at hiling na inyong pinagbibigyan.
Salamat
sa yakap at pagdamay kung may dinaramdam,
sa
haplos at halik kung may karamdaman.
Sa
pagpawi ng poot at lungkot minsan,
sa
pagtuturo sa aking ngumiti at harapin lang ang laban.
Kung
ako ma’y hindi sumusunod sa pinag-uutos n’yo minsan,
kung
ako ma’y sumasagot sa inyo ng pabalang at nangangatwiran,
nais
kong inyong malaman
na
labis ko iyong pinagsisisihan.
Maaaring
hindi ko kayo nauunawaan minsan,
hindi
nabibigyang halaga ang ginagawa n’yo para sa aking kapakanan.
Ako
sana’y inyong pagpasensiyahan,
hindi
ko nais na ang damdamin ninyo’y masaktan.
Kaya
nga’t sa inyo, ako’y nakikiusap
Sa
paglalakbay ay patuloy n’yong samahan,
Patuloy
na ituwid ang mga maling kaisipan,
Patuloy
na gabayan sa pagharap sa kinabukasan.
Marami
pa akong hindi nalalaman,
may
takot pa rin akong nararamdaman.
Hindi
ko pa kayang mag-isang makipagsapalaran,
Ako’y
bata pa po lamang,
lubos
ko kayong kailangan.
Nanay,
Tatay,
Nahihiya
man akong sabihin minsan,
dahil
baka isiping baduy ng aking mga kaibigan,
Nais
kong inyong malaman na...
“Mahal na mahal ko po kayo!”
Itong
aming nakamit na karangalan,
iniaalay
namin sa inyo.
Di
nga ba’t kayo ang unang nagsabi
at
naniwalang magaling ako?
O,
huwag na kayong magtalo,
kung
ako’y nagmana kanino
Basta,
tanggapin n’yo ang pagpupugay ko.
Isang
matikas na pagsaludo!
Note: Read by my son, Pete, during the awarding of RPLAI scholars for SY 2012-2013. I've searched the net for a material that he could read, parang tugon doon sa sumikat na Sulat ng Magulang sa Anak. Kaya lang, hindi appropriate for his age yung laman ng liham na nakita ko. So I decided to make my own version.
